कपिलवस्तुमा दुर्गा झाँकी विसर्जनको रौनक

कपिलवस्तु नगरपालिकाको १४ वटै वडामा निकालिएको दुर्गा झाँकी रामघाट र जमुवार खोलमा सेलाइएको छ । त्यस्तै वाणगंगा नगरपालिकामा निकालिएको दुर्गा झाँकी लक्ष्मणघाटमा सेलाइएको छ ।

कृष्णनगरमा निकालिएको झाँकी सुरही खोलामा सेलाइएको छ । बाजागाजा र धार्मिक गीत बजाइ नाच्दै जिल्लाका १० स्थानीय तहमा निकालिएका ३ सय २९ दुर्गा झाँकी सेलाइएको प्रमुख जिल्ला अधिकारी शंकरहरि आचार्यले बताए ।

दुर्गा मूतिका लागि सुरक्षा रणनीति बनाएरै विसर्जन गरिएको जिल्ला प्रहरी प्रमुख उपरीक्षक नवरत्न पौडेलले बताए । दुर्गा भवानीसँगै राक्षस, बाघ, गणेश, लक्ष्मी, सरस्वती, शिव र कार्तिकेलगायत भगवानका मूर्ति पनि विसर्जन गरिएको थियो । सदरमुकाममा मात्र २५ बढी दुर्गा झाँकी निकालिएको थियो ।