कांग्रेसको अवरोधपछि मंगलबारसम्मका लागि राष्ट्रिय सभा बैठक स्थगित

कांग्रेसको विरोधपछि बैठक मंगलबार दिउँसो सवा १ बजेसम्मका लागि स्थगित भएको छ । सो क्रममा राष्ट्रिय सभा अध्यक्ष नारायणप्रसाद दाहालले बैठक अवरुद्ध हुँदा काम कारबाही अघि बढ्न नसकेको र प्राप्त उपलब्धिहरूमाथि औंला ठड्याउने काम भइरहेको बताएका थिए ।

उनले राष्ट्रिय सभा सबै समस्या हल गर्ने थलो भएकाले आशन ग्रहण गरेर बैठक सञ्चालन गर्न दिन आग्रह गरेका थिए । अध्यक्षको आग्रहपछि पनि कांग्रेसले उठेर विरोध जनाएपछि बैठक मंगलबारसम्मका लागि स्थगित गरिएको अध्यक्ष दाहालले घोषणा गरेका हुन् ।