चन्द्रागिरि नगर ३ नम्बर वडाको आफ्नै भवन
काठमाडौँ — चन्द्रागिरि नगरपालिकाअन्तर्गत वडा नम्बर ३ थानकोट गणेशथानमा आफ्नै नयाँ भवनमा सरेको छ । स्थानीयको श्रमदान, १५ लाख हाराहारी चन्दा, वडा र नगरको बजेटसहित २ करोड ९ लाख रुपैयाँमा बनाइएको भवन चन्द्रागिरिका मेयर घनश्याम गिरिले शनिबार उद्घाटन गरेका थिए । वडा अध्यक्ष दुर्गालाल महर्जनका अनुसार, १७ आना क्षेत्रफलमा बनाइएको भवनको निर्माण अढाई वर्षअघि थालिएको थियो ।