लुँध्वाखा सर्वसाधारणका लागि खुला
काठमाडौँ — कोभिड-१९ महामारीमा बन्द भएको भक्तपुर श्री तलेजु भवानीको मूलढोका लुँध्वाखा (स्वर्णद्वार) सर्वसाधारणका लागि खुला गरिएको छ ।
कोभिड–१९ महामारी रोकथाम तथा नियन्त्रणका लागि भन्दै सरकारले लगाएको निषेधाज्ञासँगै बन्द भएको लुँध्वाखा झन्डै साढे २ वर्षपछि खुला गरिएको हो ।
कोभिड–१९ का कारण सर्वसाधारणका लागि बन्द भएको लुँध्वाखा खोल्न जिल्ला प्रशासन कार्यालय भक्तपुर, स्मारक संरक्षण तथा दरबार हेरचाह कार्यालय दरबार स्क्वायर, गुठी संस्थान शाखा कार्यालय सूर्यविनायकलाई पत्राचार गरी सहमतिमा खुला गरिएको भक्तपुर श्री तलेजुका मूल नाइके नरेन्द्रप्रसाद जोशीले बताए ।
श्री तलेजु भवानीको सुरक्षार्थ नेपाली सेनालाई खटाइँदै आएको छ ।
प्रकाशित : जेष्ठ १३, २०७९ १२:१०प्रतिक्रिया
