पारा खेलाडी रामबहादुरले अस्ट्रेलियामा खेल्ने

काठमाडौँ — राष्ट्रिय पारा तेक्वान्दो खेलाडी रामबहादुर अधिकारी अस्ट्रेलियामा हुने ३ अन्तर्राष्ट्रिय पारा तेक्वान्दो प्रतियोगितामा भाग लिन सोमबार त्यसतर्फ गएका छन् ।

जुलाई ७ मा डब्लूटी प्रेसिडेन्ट कप, जुलाई ८ मा ओसियाना ओपन तेक्वान्दो च्याम्पियनसिप र जुलाई ९ मा अस्ट्रेलियन ओपन पारा तेक्वान्दो च्याम्पियनसिपमा भाग लिने पारा तेक्वान्दो प्रशिक्षक कविराज नेगी लामाले जनाए । रामले के.४४ क्याटगोरीअन्तर्गत ६३ केजी तौल समूहमा प्रतिस्पर्धा गर्नेछन् । रामलाई प्रशिक्षक लामालगायतले सोमबारै बिदाइ गरे ।