१८ लाख ७५ हजार नगदसहित १३ जुवाडे पक्राउ
काठमाडौँ — कागेश्वरी मनोहरा नगरपालिका–७ हरहर महादेवबाट १८ लाख ७५ हजार ५ सय रुपैयाँ नगदसहित प्रहरीले १३ जुवाडेलाई पक्राउ गरेको छ ।
प्रहरीका अनुसार बुधबार राति स्थानीय कमल दाहालको घरमा जुवातास खेलिरहेको भन्ने सूचनाको आधारमा महानगरीय प्रहरी प्रभाग काँडाघारीको टोलीले उनीहरुलाई पक्राउ गरेको हो ।
उनीहरुलाई थप अनुसन्धानका लागि महानगरीय प्रहरी वृत्त बानेश्वरमा राखेको प्रहरीले जनाएको छ ।
प्रकाशित : आश्विन ७, २०७८ १५:१४