भक्तपुरमा टिपरको ठक्करबाट स्कुटर चालकको मृत्यु- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

भक्तपुरमा टिपरको ठक्करबाट स्कुटर चालकको मृत्यु

कान्तिपुर संवाददाता

भक्तपुर — भक्तपुरमा टिपरको ठक्करबाट स्कुटर चालकको मृत्यु भएको छ । प्रहरीका अनुसार बुधबार राति सूर्यविनायकबाट जगातीतर्फ जाँदै गरेको प्रदेश ३–०१–००६ ख २०३८ नम्बरको टिपरमा विपरीत दिशाबाट आएको प्रदेश ३–०२–०२४ प ८०३३ नम्बरको स्कुटर ठोक्किएर दुर्घटना हुँदा चालक सूर्यविनायक नगरपालिका–८ सिपाडोलका २१ वर्षीय निरज श्रेष्ठको मृत्यु भएको हो । 

टिपरको ठक्करबाट सख्त घाइते श्रेष्ठको उपचारकै क्रममा भक्तपुर अस्पतालमा मृत्यु भएको महानगरीय प्रहरी परिसर भक्तपुरका प्रवक्ता डीएसपी दिपक गिरीले बताए ।

प्रहरीले टिपर र टिपर चालक सिन्धुपाल्चोक मेलम्ची नगरपालिका–१२ का २९ वर्षीय रमेश माझीलाई नियन्त्रणमा लिएको छ ।


प्रकाशित : श्रावण ७, २०७८ १९:४०
प्रतिक्रिया
पठाउनुहोस्

भीरबाट खसेको ढुंगा लागेर ओभरसियरको मृत्यु

मनोज बडू

दार्चुला — अपिहिमाल गाउँपालिका–५ मा भीरबाट ढुंगा खसेर एकजना ओभरसियरको मृत्यु भएको छ । निर्माणाधिन मकरीगाड जलविद्युत आयोजनामा कार्यरत ओभरसियर अपीहिमाल गाउँपालिका–३ का २७ वर्षीय गणेशसिह बोहराको माथिबाट खसेको ढुंगाले लागेर मृत्यु भएको प्रहरीले जनाएको छ ।

जिल्ला प्रहरी कार्यालयका सूचना अधिकारी नरेन्द्रबहादुर चन्दका अनुसार मकरीगाड जलविद्युत आयोजनामा खानेपानी लैजान निर्माण भइरहेको पाइप लाइनबाट खसेको ढुंगा लागेर ओभरसियर बोहराको दिउँसो घटनास्थलमै मृत्यु भएको हो ।

खानेपानीको पाइप लाइन निर्माण भइरहेको ठाउमा निरीक्षण गर्न गएका बेला माथिबाट ढुंगा खसेको प्रहरीले जनाएको छ । घटनास्थलतर्फ इलाका प्रहरी कार्यालय गोकुलेश्वरको टोली गएको जिल्ला प्रहरी कार्यालयले जनाएको छ ।

प्रकाशित : श्रावण ७, २०७८ १९:२९
पूरा पढ्नुहोस्
प्रतिक्रिया
पठाउनुहोस्
×