भक्तपुरमा टिपरको ठक्करबाट स्कुटर चालकको मृत्यु
भक्तपुर — भक्तपुरमा टिपरको ठक्करबाट स्कुटर चालकको मृत्यु भएको छ । प्रहरीका अनुसार बुधबार राति सूर्यविनायकबाट जगातीतर्फ जाँदै गरेको प्रदेश ३–०१–००६ ख २०३८ नम्बरको टिपरमा विपरीत दिशाबाट आएको प्रदेश ३–०२–०२४ प ८०३३ नम्बरको स्कुटर ठोक्किएर दुर्घटना हुँदा चालक सूर्यविनायक नगरपालिका–८ सिपाडोलका २१ वर्षीय निरज श्रेष्ठको मृत्यु भएको हो ।
टिपरको ठक्करबाट सख्त घाइते श्रेष्ठको उपचारकै क्रममा भक्तपुर अस्पतालमा मृत्यु भएको महानगरीय प्रहरी परिसर भक्तपुरका प्रवक्ता डीएसपी दिपक गिरीले बताए ।
प्रहरीले टिपर र टिपर चालक सिन्धुपाल्चोक मेलम्ची नगरपालिका–१२ का २९ वर्षीय रमेश माझीलाई नियन्त्रणमा लिएको छ ।
प्रतिक्रिया
