कपनबाट सालकको खपटासहित दुई पक्राउ
काठमाडौँ — प्रहरी केन्द्रीय अनुसन्धान ब्युरोले कपनबाट दुई जनालाई सालकको खपटासहित नियन्त्रणमा लिएको छ ।
कपनको सरस्वतीनगरबाट संरक्षित वन्यजन्तु सालकको १ केजी ८ सय ग्राम खपटासहित धादिङको थाक्रे गाउँपालिका-३ डाँडाखर्कका ३० वर्षीय कुलबहदुर तामाङ र २० वर्षीय जयराम तामाङलाई पक्राउ गरिएको ब्युरोले जनाएको छ ।
यस्तै, ब्युरोले पर्सा राष्ट्रिय निकुञ्ज क्षेत्रमा अवैध रुपमा सालको काठ चोरी निकासी गरी चिरान गर्न लगाउने मुद्दाका मुख्य फरार अभियुक्त ठोरी गाउँपालिका-४ आठघर टोलका ३५ वर्षीय लेखे भनिने लेखबहादुर श्रेष्ठलाई पनि बौद्धबाट पक्राउ गरेको छ ।
प्रकाशित : वैशाख १३, २०७८ १५:३०प्रतिक्रिया