बिस्केट जात्रा पूजामा सीमित हुने- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

बिस्केट जात्रा पूजामा सीमित हुने

कान्तिपुर संवाददाता

भक्तपुर — भक्तपुर जिल्लामा मनाइने बिस्केट जात्रालाई पूजामा सीमित हुने भएको छ । भारतका विभिन्न प्रान्तहरुमा कोरोना भाइरस संक्रमण फैलिरहँदा नेपालमा पनि जोखिम बढ्ने सम्भावना रहेको भन्दै आइतबार जिल्लास्तरीय कोभिड १९ संकट व्यवस्थापन केन्द्र (डीसीसीएमसी)का पदाधिकारीहरुको बैठकले पूजारीलाई मात्र राखेर पूजा गर्ने तथा रथ तान्‍ने र लिंगो ठड्याउने काम नगर्ने निर्णय लिएको हो ।

यस्तै बैठकले नयाँ वर्ष २०७८ का अवसरमा हुने पूजा, पाठ, सप्ताह र पिकनिकजस्ता कार्यक्रमहरु पनि सीमित संख्यामा कोभिडको मापदण्ड पालना गरेरमात्र गर्न/गराउन अनुरोध गर्ने निर्णय गरेको छ । अत्यधिक भीडभाड हुने जिब्रो छेड्ने तथा सिन्दुर जात्रा नगर्न र कोरोनाबाट बच्‍न जनचेतनामूलक कार्यक्रम गर्न नगरपालिकाहरुलाई अनुरोध गर्ने निर्णय पनि गरिएको छ ।

कोरोना भाइरस संक्रमणको जोखिम नियन्त्रणका लागि सरकारले जारी गरेको मापदण्डहरु उल्लंघन गर्नेलाई संक्रामक रोग ऐन २०२० बमोजिम कारबाही गर्नेसमेत निर्णय गरिएको छ ।

बैठकमा डीसीसीएमसीका सल्लाहकार एवं जिल्ला समन्वय समिति भक्तपुरका प्रमुख नवराज गेलाल, प्रमुख जिल्ला अधिकारी प्रेमप्रसाद भट्टराई, सुरक्षा निकायका प्रमुखहरु, स्वास्थ्य क्षेत्रका प्रमुख लगायतको उपस्थिति थियो ।

प्रकाशित : चैत्र २२, २०७७ २१:५७
प्रतिक्रिया
पठाउनुहोस्

कम तौलको डन्डी बेच्‍ने राजेश हार्डवेयरलाई ३ लाख जरिवाना

कान्तिपुर संवाददाता

काठमाडौँ — वाणिज्य आपूर्ति तथा उपभोक्ता संरक्षण विभागले राजेश हार्डवेयरलाई ३ लाख रुपैयाँ जरिवाना गरेको छ  । उक्त हार्डवेयरले कम तौलको फलाम/डन्डी बिक्री गरेको अभियोगमा विभागले उपभोक्ता संरक्षण ऐन २०७५ को दफा १६ उपदफा २ (कं) बमोजिम जरिवाना गरेको हो ।

‘हार्डवेयरले अनुचित व्यापारिक क्रियाकलाप गरेको आधारमा तत्काल ३ लाख जरिवाना गरेका छौं,’ विभागका प्रवक्ता शिवराज सेडाईले भने, ‘उक्त हार्डवेयरउपर विस्तृत अनुसन्धान र छानबिनपश्चात् थप सजाय गर्छौं ।’

सागरमल अग्रवालको नाममा दर्ता रहेको राजेश हार्डवेयरको बालाजु शाखाले कम तौलका फलामे/डन्डी बिक्री गरेर उपभोत्ता ठगी गरेको पाइएको थियो । शुक्रबार उपभोक्ताले खरिद गर्दा तौलमा शंका लागेपछि बालाजु प्रहरीमा पुर्‍याएका थिए । त्यसपश्चात् ठगी गरिरहेको पुष्टि भएको थियो ।

शनिबार वाणिज्य आपूर्ति तथा उपभोक्ता संरक्षण विभाग, गुणस्तर तथा नापतौल विभाग र प्रहरीसहितको टोलीले डन्डीजन्य सामग्री तौल गर्दा बिलअनुसार कम देखिएको थियो । कम तौल भेटिएपछि बस्तुहरु नियन्त्रणमा लिई सटर शिलबन्दीसमेत गरेको थियो ।

प्रकाशित : चैत्र २२, २०७७ २१:२९
पूरा पढ्नुहोस्
प्रतिक्रिया
पठाउनुहोस्
×