बजारमा अपाचे १६० टूभी मोटरसाइकल
काठमाडौँ — टीभीएस टू–ह्विलर्सको आधिकारिक वितरक जगदम्बा मोटर्सले अपाचे १६० टूभी सार्वजनिक गरेको छ ।
काठमाडौंको सानोभर्याङ सोरुममार्फत जगदम्बाले नयाँ रेस इन्स्पाइर्ड ग्राफिक्स र फराकिलो उक्त टायर रहेको अपाचे १६० टूभी सार्वजनिक गरेको हो ।
यसको पछाडि १२०/७०×१७ को नयाँ फराकिलो टायर राखिएको छ, जसले बाटोमा अझ राम्रो ग्रिप र सुरक्षा प्रदान गर्ने कम्पनीले जनाएको छ ।
साथै अपाचे १६० टूभीमा रेस इन्स्पाइर्ड डिजिटल डिस्प्ले छ, जसले राइडरलाई स्पिड नियन्त्रणबारे जानकारी दिन्छ ।
यसको आरटीआर ओभरस्क्वेर इन्जिनले ८ हजार आरपीएममा १३.२ एनएमको अधिकतम टर्क प्रदान र एमआइजी सस्पेन्सन सक अप राखिएको छ ।
यो मोटरसाइकल पर्ल वाइट, म्याट ब्लु, ब्लाक, ग्लस रेड र ग्रे गरेर पाँच भेरिएन्टमा उपलब्ध छ । यसको मूल्य २ लाख ६९ हजार ९ सय रुपैयाँ रहेको कम्पनीले बतएको छ ।
प्रकाशित : भाद्र १, २०७८ २१:३७