नेपाल पुनर्बीमाका कर्मचारीले राष्ट्रिय वाणिज्य बैंकबाट सहुलियत कर्जा पाउने

उक्त सम्झौतापश्चात दुई वर्ष सेवाअवधि पूरा गरेका पुनर्बीमा कम्पनीका कर्मचारीलाई पुनर्बीमाको सिफारिसमा अधिकतम १५ लाख रुपैयाँसम्म बैंकले सरल कर्जा प्रदान गर्नेछ । बैंकले आधार दरमा २ प्रतिशत प्रिमियम जोडी ब्याजदर कायम गरी कर्जा लगानी गर्ने छ । हाल बैंकको आधार दर ६.९७ प्रतिशत छ । सम्झौताअनुसार पुनर्बीमा कम्पनीका कर्मचारीको तलबी खाता बैंकले संचालन गर्नेछ ।

बैंकका प्रमुख कार्यकारी अधिकृत श्रेष्ठले यो सम्झौताले दुई सरकारी संस्थाको व्यवसाय विस्तारमा सहयोग पुग्ने बताए । पुनर्बीमा कम्पनीका प्रमुख कार्यकारी अधिकृत रायमाझीले दुई संस्थाबीचको सम्बन्धलाई व्यवहारिक र वस्तुपरक बनाउँदै लैजाने बताए । देशभर हाल बैंकका २५८ वटा शाखा कार्यालय, २४५ वटा एटीएम, ४३ स्थानमा एक्सटेन्सन काउन्टर, ९८ शाखारहित बैंकिङ सेवा सञ्चालनमा छन् ।