एनसेलले ल्यायो नयाँ च्याटबोट सेवा ‘माया’
काठमाडौँ — एनसेल आजियाटाले आफ्नो डिजिटल ट्रान्सफर्मेसन योजनाअनुसार ग्राहकका लागि च्याटबोट सेवा ‘माया’ सुरु गरेको छ ।
यसमार्फत ग्राहकले एनसेलको सेवा तथा सुविधाहरूबारे सजिलै जानकारी लिन सक्छन् । एनसेलले यो सेवा आफ्नो नयाँ अभियान ‘फास्ट फरवार्ड लाइफ’ अन्तर्गत ल्याएको हो ।
यो अभियानले भविष्यको पुन: कल्पना गर्दै डिजिटल पावरका साथ छिटो अघि बढ्न अभिप्रेरित गर्ने कम्पनीले जानकारी दिएको छ ।
यो सेवा एनसेलको आधिकारिक फेसबुक, मेसेन्जर, भाइबर, ह्वाटसएप र वेबसाइटमा उपलब्ध छ ।
प्रकाशित : माघ ७, २०७७ ०९:२६प्रतिक्रिया