कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १८८

आजकै दिन : भर्जिनिया वुल्फको निधन

ब्रिटिस साहित्यकार भर्जिनिया वुल्फको सन् १९४१ मा आजकै दिन (मार्च २८) मा मृत्यु भएको थियो । सन् १८८२ जनवरी २५ मा लन्डनमा जन्मिएकी वुल्फले ५९ वर्षको उमेरमा आत्महत्या गरेकी थिइन् । उनका जाकोब्स रुम, टु दि लाइटहाउस, ओर्ल्यान्डोजस्ता कृति चर्चित छन् ।

आजकै दिन : भर्जिनिया वुल्फको निधन

उनी जीवनभर मानसिक रोगले ग्रस्त थिइन् । द्वितीय विश्वयुद्धको सुरुवातमा उनको लन्डनको घर तहसनहस हुनुजस्ता कारणले उनमा मानसिक समस्या देखिएको थियो । उनका पिता सर लेस्ली स्टेफन इतिहासकार, लेखक थिए भने आमा जुलिया भारतमा जन्मिएकी बेलायती नागरिक थिइन् । वुल्फको शिक्षा आमाबुबाकै शैक्षिक वातावरणमा भएको थियो । उनी २० औं शताब्दीको आधुनिक लेखकका रूपमा परिचित छिन् । महिलासँगको समलैंगिक सम्बन्धका कारण पनि उनी चर्चामा थिइन् ।

द्वितीय विश्वयुद्धका क्रममा उनी लन्डनको साहित्यिक र कलात्मक समाजको महत्त्वपूर्ण हिस्सा थिइन् । सन् १९१५ मा उनको द भोयज आउट नामको पहिलो उपन्यास प्रकाशित भएको थियो । उनी उपन्यासका साथै निबन्धका लागि प्रख्यात छिन् । सन् १०७० को नारीवादी समीक्षाको आन्दोलनमा पनि उनी सहभागी थिइन् । त्यहाँदेखि उनी आफ्नो रचनाका कारण झनै चर्चामा आएकी थिइन् ।

प्रकाशित : चैत्र १४, २०७९ ०८:४८
प्रतिक्रिया
पठाउनुहोस्
जनताको राय

आर्थिक वर्ष २०८१/०८२ को वार्षिक बजेट ल्याउने समय एक साता मात्र बाँकी रहँदापनि संघीय संसद्को गतिरोध खुलाउन सरकारले किन तदारुकता नदेखाएको होला ?