सन् १९७९ मा आजकै दिन : अमिनको क्रूर शासन अन्त्य
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — सन् १९७९ मा आजकै दिन (अप्रिल ११) मा तान्जानियाको सेनाले युगान्डाको राजधानी कम्पाला कब्जा गरेको थियो । तान्जानियाको सेनाले कम्पालालाई नियन्त्रणमा लिएसँगै युगान्डाका तानाशाह इदि अमिन देश छाड्न बाध्य भएका थिए । त्यसलगत्तै उनले लिबियामा शरण लिएका थिए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सन् १९७९ मा आजकै दिन : अमिनको क्रूर शासन अन्त्य](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/idi-amin-1142024040659-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
इदि अमिन विश्वकै सबैभन्दा क्रूर शासक हुन् । ‘अफ्रिकाको बौलाहा मान्छे’ का नामले चिनिने अमिनले मान्छेको मासु खान मन पराउँथे । खासगरी सुन्दरी युवतीलाई उनले आफ्नो सिकार बनाउँथे । उनको फ्रिजमा मानिसका काटेका टाउकाहरू भेटिएका थिए ।
१९७१ देखि १९७९ सम्म युगान्डाको राष्ट्रपति बनेका अमिनले आफ्नो शासनकालमा ६ लाखभन्दा धेरै मानिसको हत्या गरेका थिए । १९७९ मा युगान्डाका अमिनविरोधी सेनाले तान्जानियाको सहयोगमा अमिनलाई अपदस्थ गरेको थियो । त्यससँगै युगान्डामा उनको क्रूर शासन अन्त्य भएको हो । अपदस्थ भएसँगै लिबिया भागेका अमिन १९८० सम्म त्यहाँ बसेका थिए । त्यसपछि साउदी अरब पुगेका अमिनको २००३ अगस्ट १६ मा मृत्यु भएको हो ।
![](https://assets-cdn.ekantipur.com/uploads/source/ads/900-x-100-1-0282024055738.gif)