यौन दुर्व्यवहार मुद्दामा अमेरिकी पादरीलाई जेल सजाय
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
इस्ट टिमोर — इस्ट टिमोरको अदालतले अमेरिकी एक क्रिश्चियन पादरीलाई यौन दुर्व्यवहारको अभियोगमा १२ वर्ष जेल सजाय सुनाएको छ । थुप्रै टुहुरा बालिकाहरूमाथि यौन दुर्व्यवहार गरेकोमा ८४ वर्षीय रिचर्ड डासबाचलाई मंगलबार अदालतले यस्तो सजाय सुनाएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![यौन दुर्व्यवहार मुद्दामा अमेरिकी पादरीलाई जेल सजाय](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/richard-priest-21122021124307-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
रिचर्डले १९९० को दशकमा जोखिममा रहेका बालबालिकाका लागि आश्रय दिँदैआएका थिए । त्यस क्रममा उनले १४ वर्षमुनिका बालिकाहरूलाई यौन शोषण गर्नुका साथै तीमध्ये एकलाई बाल पोर्नोग्राफीमा लगाएको र घरेलु हिंसा गरेको भन्दै मुद्दा दायर भएको थियो ।
राजधानी डिल्लीबाट २०० किमि टाढाको ओकस जिल्लामा उनले यौन दुर्व्यवहार गरेको भन्दै गत फेब्रुअरीमा मुद्दा दायर भएको थियो । उनले सञ्चालन गरेको टोपु होनिस आश्रयस्थलमा बालिकाहरूमाथि शोषण गरेको उनीमाथि आरोप थियो ।
रिचर्डका वकिलले भने उनले आफूमाथिको आरोप अस्वीकार गर्दैआएका छन् । साथै अपीलका लागि तयारी गरेको बताइएको छ । चार जना पीडितको बयानमा आधारित रहेर फैसला गरिएको भन्दै अदालतको फैसला विरुद्ध अपील गर्ने तयारी भएको उनका वकिलले बताए ।
तर रिचर्डको अपराधको गाम्भिर्यतालाई ध्यानमा राख्दै बढीमा ३० वर्षको जेल सजाय सुनाउनुपर्ने पीडित समूहले जनाएको छ ।
कट्टर क्याथोलिक राज्यको रुपमा चिनिने इस्ट टिमोर १९९९ मा इन्डोनेसियाबाट अलग भएको देश हो । जहाँ ९८ प्रतिशत क्याथोलिक क्रिश्चियनहरूको बसोबास रहेको बताइन्छ । उक्त राष्ट्र निर्माणको क्रममा चर्चहरूको प्रमुख भूमिका रहेको इतिहास छ ।
उक्त आश्रयस्थलमा विदेशी दाताहरूको पनि सहयोग रहेको थियो । मुद्दाको प्रक्रियाकै क्रममा पीडितहरूले आफूहरूमाथि धम्की आएको भन्दै गुनासो गरेका छन् ।
तर मंगलबारको उक्त फैसलालाई लिएर अब यहाँ हुनसक्ने अरु आपराधिक गतिविधिलाई निरुत्साहित गर्नसक्ने भन्दै महत्वपूर्ण ठानिएको छ । पादरीसँगै प्रभावाशाली प्रचारकको रुपमा चिनिएका अभियुक्त रिचर्डले अमेरिकामा पनि मुद्दाको सामना गरेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)