अफगानिस्तानको मस्जिदमा बम विस्फोट : १६ जना मारिए, ३२ घाइते

सिया मस्जिदलाई लक्षित गरी शुक्रबारको नियमित प्रार्थनाको क्रममा विस्फोट भएको हो । घाइतेहरुलाई नजिकका अस्पतालमा उपचार गरिएको छ ।

तालिबान सरकारका आन्तरिक मामिला मन्त्रालयका प्रवक्ता क्वारी सइद खोस्तीले घटनाको पुष्टि गरेका छन् । हमला कसले गरेको भन्नेबारे भने केही खुलेको छैन । गत शुक्रबार पनि कुन्दुज सहरस्थित अर्को एक सिया मस्जिदमा बम विस्फोट गरिँदा २० जना मारिनुका साथै ९० घाइते भएका थिए । अफगानिस्तानमा तालिबान सरकार गठनपछि आईएसआईएलका लडाकूले आक्रमण तिब्र पारेका छन् ।