फुमिओ किशिदा जापानको नयाँ प्रधानमन्त्री बन्ने निश्चित - विश्व - कान्तिपुर समाचार

फुमिओ किशिदा जापानको नयाँ प्रधानमन्त्री बन्ने निश्चित 

एजेन्सी

टोकियो — फुमिओ किशिदा जापानको सत्तारुढ दल लिबरल डेमोक्य्राटिक पार्टी (एलडीपी)को नेतामा निर्वाचित भएका छन् । नेता छानिएसँगै  किशिदा जापानको नयाँ प्रधानमन्त्री बन्ने निश्चित भएको छ ।

पूर्व विदेशमन्त्री किशिदाले तारो कोनोलाई नेतृत्वमा पराजित गरेका थिए । जापानमा कोनो लोकप्रिय रहे पनि संसदीय दलको नेतामा भने किशिदा निर्वाचित भएका हुन् ।

किशिदाले हालका प्रधानमन्त्री योशिहिदो सुगालाई प्रतिस्थापन गर्नेछन् । योशिहिदो एक वर्षअघि मात्रै प्रधानमन्त्री बनेका थिए । किशिदाको पहिलो काम आगामी चुनावमा एलडीपीको नेतृत्व गर्नु पर्ने हुन्छ । आमजनता विपक्षमा हुँदाहुँदै पनि टोकियोमा ओलम्पिक आयोजना गरेपछि पार्टीको लोकप्रियता खस्केको थियो । संसद्‍मा एलडीपीको बहुमत रहेको छ । किशिदोले हालका प्रधानमन्त्री सुगाको आलोचना गर्दै आएका थिए ।

गत वर्ष भएको आन्तरिक निर्वाचन सुगासँग पराजित भएका थिए । नयाँ प्रधानमन्त्रीले कोभिड महामारीपछि अर्थतन्त्रलाई सुधार गर्न तथा उत्तर कोरियाको बढ्दो चुनौतीको सामना गर्नु हुनेछ ।

प्रकाशित : आश्विन १३, २०७८ १४:४२
प्रतिक्रिया
पठाउनुहोस्

कोलकाताको जित

एजेन्सी

शारजहाँ — सुनिल नारिनले १० बलमा निर्णायक साबित २१ रन बनाएपछि कोलकाता नाइट राइडर्सले मंगलबार इन्डियन प्रिमियर लिगमा दिल्ली क्यापिटल्सलाई ३ विकेटले पराजित गरेको छ ।

यो जितपछि कोलकाताको प्लेअफ खेल्ने सम्भावना जीवन्त बनेको छ । जितनिम्ति १ सय २८ रन पछ्याइरहेको कोलकाता एक समय ५ विकेट गुमाएर ९६ रनको स्थितिमा थियो ।

तर नारिनले कागिसो रबाडाको १६ औं ओभरमा २१ रन बनाए । उनी जितसम्म पुग्नु ६ रनअगाडि आउट भए । नितिश राणाले १० बल बाँकी छँदै आफ्नो टिमलाई जितसम्म पुर्‍याए । नितिशले अविजित ३६ रन बनाए । दिल्लीका अवेश खानले तीन विकेट लिएका थिए । दिल्लीले भने ९ विकेटमा १ सय २७ रन बनाएको थियो । त्यसमा कप्तान ऋषभ पन्त र स्टिभ स्मिथ दुवैले ३९ तथा शिखर धवनले २४ रन बनाए । यो जितपछि ८ टिमको प्रतियोगितामा कोलकाता (१०) चौथो स्थानमा रह्यो ।


प्रकाशित : आश्विन १३, २०७८ ०७:५५
पूरा पढ्नुहोस्
प्रतिक्रिया
पठाउनुहोस्
×