अफगानिस्तानमाथिको प्रतिबन्ध छिट्टै खुलाऊ: चीन- विश्व - कान्तिपुर समाचार
कान्तिपुर वेबसाईट
AdvertisementAdvertisement

अफगानिस्तानमाथिको प्रतिबन्ध छिट्टै खुलाऊ: चीन

कान्तिपुर संवाददाता

काठमाडौँ — चिनियाँ विदेशमन्त्री वाङ यीले अफगानिस्तानमाथि लगाइएका प्रतिबन्ध जतिसक्दो चाँडै हटाउनुपर्ने बताएका छन् । जी २० देशका विदेशमन्त्रीहरुको भर्चुअल बैठकमा उनले यस्तो बताएका हुन् ।

फाइल तस्बिर : रोयटर्स

यस क्रममा नेता वाङले अफगानिस्तानमाथि आर्थिक प्रतिबन्ध हटाउनुपर्ने बताए । अफगानिस्तानको विदेशी मुद्रा भण्डार त्यहीँको सम्पत्ति रहेको र त्यसमा अफगान नागरिककै अधिकार हुने नेता वाङले बताए ।

अगस्ट १५ मा तालिबानले सत्ता कब्जा गरेपछि अन्तर्राष्ट्रिय मुद्रा कोषसहित अमेरिका र अन्य केही देशले अफगानिस्तानको एकाउन्ट फ्रिज गरिदिएका छन् । गत महिना चिनियाँ विदेश मन्त्रालयका प्रवक्ता हुआ चुन्यीङले तालिबानले चीनसँग सुमधुर सम्बन्ध बनाउन निरन्तर आशा व्यक्त गरेको बताएका थिए ।

नेता वाङले आफ्नो भाग्यको फैसला गर्ने अफगान जनताको अधिकारको चीनले सम्मान गर्ने समेत बताएका थिए । साथै, आफूहरु अफगानिस्तानसँग मित्रतापूर्ण सम्बन्ध कायम गर्ने उनको भनाइ थियो । यसअघि तालिबानका प्रवक्ता सुहेल शाहीनले अफगानिस्तानमा शान्ति र मेलमिलाप बढाउन चीनले रचनात्मक भूमिका खेलेको प्रतिक्रिया दिएका थिए ।

प्रकाशित : आश्विन ७, २०७८ १६:२२
प्रतिक्रिया
पठाउनुहोस्

१७५ केजी गाँजा र ट्रकसहित दुईजना पक्राउ

सुवास विडारी

मकवानपुर — जिल्ला प्रहरी कार्यालय मकवानपुरले एकसय ७५ केजी गाँजा र ट्रकसहित दुईजनालाई नियन्त्रणमा लिएको छ । ट्रक चालक मकवानपुरको भीमफेदी गाउँपालिका–९ का ३१ वर्षीय मोहन स्याङ्तान र थाहा नगरपालिका–३ का २४ वर्षीय प्रशान्त कार्कीलाई प्रहरीले पक्राउ गरेको हो ।

विशेष सूचनाका आधारमा मकवानपुर प्रहरी प्रमुख उपरीक्षक सोमेन्द्रसिं राठौरको नेतृत्वमा खटिएको प्रहरी टोलीले हेटौंडा–११, थानाभर्‍याङस्थित पूर्वपश्चिम राजमार्ग नजिकै ग्यारेजमा मर्मत गरिरहेको अवस्थामा गाँजासहित उनीहरुलाई पक्राउ गरेको हो ।

मकवानपुरको पालुङबाट पर्साको वीरगञ्जतर्फ जाँदै गरेको ना.३ ख ५९५० नम्बरको ट्रक बिग्रेर उक्त स्थानमा मर्मत भइरहेको थियो । प्रहरीले ट्रकलाई जाँच गर्दा फल्स बटम बनाइ लुकाएर ल्याएको गाँजा फेला परेको थियो ।

घटनाबारे थप अनुसन्धान भइरहेको प्रहरी उपरपीक्षक राठौरले जानकारी दिए ।

प्रकाशित : आश्विन ७, २०७८ १६:१५
पूरा पढ्नुहोस्
प्रतिक्रिया
पठाउनुहोस्
×