१७.१२°C काठमाडौं
बेलायती राजकुमार फिलिपको निधन
बेलायती राजकुमार फिलिप (डयुक अफ एडिनबरा) को निधन भएको छ । स्थानीय समयअनुसार शुक्रबार बिहान फिलिपको निधन भएको बकिङघम प्यालेसले घोषणा गरेको हो । फिलिप ९९ वर्षका थिए ।
राजदरबारले विज्ञप्तिमा जारी गर्दै महारानीले आफ्ना श्रीमान् ड्यूक अफ एडिनबरा राजकुमार फिलिपको निधन भएको घोषणा गरेको उल्लेख गरेको छ ।
It is with deep sorrow that Her Majesty The Queen has announced the death of her beloved husband, His Royal Highness The Prince Philip, Duke of Edinburgh.
— The Royal Family (@RoyalFamily) April 9, 2021
His Royal Highness passed away peacefully this morning at Windsor Castle. pic.twitter.com/XOIDQqlFPn
राजकुमार फिलिप महारानी एलिजाबेथ द्वितीयाका श्रीमान् हुन् । उनी सन् १९४७ मा बेलायती महारानी एलिजाबेथसँग वैवाहिक जीवनमा गाँसिएका थिए । सन् २०१७ को अगस्टदेखि भने उनले सार्वजनिक जिम्मेवारीबाट संन्यास लिएका थिए ।
द ड्यूक अफ एडिनबराको उपाधिले चिनिने राजकुमार फिलिपलाई एक महिना बेलायती अस्पतालमा भर्ना गरी उपचारपछि उनको निवासमा लगिएको थियो ।
राजकुमार फिलिप ‘ग्रीक आइल्यान्ड अफ कोर्फु’मा सन् १९२१, जुन १० मा जन्मिएका थिए । उनी हेलेन्सका राजा जर्ज प्रथमका कान्छा छोरा थिए ।
प्रकाशित : चैत्र २७, २०७७ १८:११
