विश्वकप छनोट : फ्रान्स र युक्रेनबीच बराबरी, नेदरल्यान्ड्स टर्कीसँग पराजित
पेरिस — विश्वकप विजेता फ्रान्स सन् २०२२ को विश्वकप छनोटमा बुधबार युक्रेनसँग १–१ को बराबरीमा रोकिएको छ ।
फ्रान्सले खेलको १९औं मिनेटमा एन्टोन ग्रिजमनको गोलले अग्रता लिएको थियो । तर खेलको ५७औं मिनेटमा प्रिस्नेल किपेम्बेको आत्मघाती गोलमा युक्रेनले बराबरी गरेको हो ।
नेदरल्यान्ड्स भने टर्कीसँग ४–२ ले स्तब्ध रह्यो । टर्कीका लागि बुराक यिलमजले ह्याट्रिक पनि गरे ।
अन्य खेलमा पोर्चुगलले अजरबैजानलाई १–०, सर्बियाले आयरल्यान्ड गणतन्त्रलाई ३–२, बेल्जियमले वेल्सलाई ३–१, चेक गणतन्त्रले इस्टोनियालाई ६–२, नर्वेले जिब्राल्टरलाई ३–०, रुसले माल्टालाई ३–१ र स्लोभेनियाले क्रोएसियालाई १–० ले हरायो ।
यस्तै फिनल्यान्ड र बोस्निया हर्जगोभिनाले २–२ र साइप्रस र स्लोभाकियाले गोलरहित बराबरी खेले ।
प्रकाशित : चैत्र १२, २०७७ ०६:५३प्रतिक्रिया
