जापानसँग वार्ता गर्न कोरिया तयार

राष्ट्रपति मुनले दुई देशबीचका कैयौं ऐतिहासिक तथा व्यापारिक विषयमा वार्ता गर्न आवश्यक रहेको बताएका हुन् । ‘हाम्रो सरकार जापानसँग कुनै पनि बेला वार्ताको टेबुलमा बस्न तयार छ । मलाई लाग्छ सबै असमझदारीहरू त्यस्तो वार्ताबाट हट्नेछन्,’ मुनले भने ।

दक्षिण कोरियाको १०२ औं स्वतन्त्रता दिवसका अवसरमा मुनले राष्ट्रिय टेलिभिजनमार्फत गरेको सम्बोधनका क्रममा वार्ताको प्रस्ताव गरेका हुन् । विभिन्न विवादास्पद मुद्दाहरुका कारण दक्षिण कोरिया र जापानबीचको सम्बन्ध सुमधुर छैन ।

जापानले कोरियाली महिलाहरूलाई यौनदासीका रूपमा राख्ने गरेको छ । त्यसका साथै अन्य केही ऐतिहासिक र व्यापारिक मुद्दाबारे दुई देशबीच मतभेद जारी छ । ती विषयबारे दुई देशबीच विभिन्न समयमा वार्ता हुने गरेका भए पनि समाधान निस्केको छैन । पछिल्ला केही वर्षयता दुई देशबीचको कूटनीतिक सम्बन्धमा दरार उत्पन्न भएको छ ।