राष्ट्रियताको विषयमा कसैसँग नझुक्ने सबैले प्रतिबद्धता गर्नुपर्छ : नेता श्रेष्ठ

उनले राष्ट्रियताको सम्वर्द्धन, संविधानको रक्षा, लोकतन्त्रमा आधार बाएर सामाजिक आर्थिक रुपान्तरण, शान्ति प्रक्रियाका बाँकी काम पूरा गर्ने र समाजवादी क्रान्ति गर्ने कार्यभार रहेको बताए । 'राष्ट्रियताको विषयमा कसैसँग नझुक्ने सबै प्रतिबद्ध हुनुपर्छ, संविधानको रक्षा गर्ने र त्यसमा आवश्यकताअनुसार संशोधन गर्ने,' श्रेष्ठले भने 'लोकतन्त्रलाई आधारमा सामाजिक आर्थिक रुपान्तरण गर्ने, शान्ति प्रक्रियाका बाँकी काम पूरा गर्ने समाजवादी क्रान्ति सम्पन्न गर्ने हो ।'

उनले संविधानको आवश्यकताअनुसार संशोधन गरे पनि यसको महत्वपूर्ण विशेषता रक्षा गर्नुपर्ने बताए । त्यसैगरी शान्ति प्रक्रियाको बाँकी रहेको सत्य तथा मेलमिलाप, बेपत्ताको छानबिन बाँकी काम चाँडो समाधान गर्नुपर्ने बताए ।