चुनावी बजेट होइन, पुराना कार्यक्रमलाई थोरै तलमाथि गरेको मात्रै हो: अर्थमन्त्री- भिडियो - कान्तिपुर समाचार

चुनावी बजेट होइन, पुराना कार्यक्रमलाई थोरै तलमाथि गरेको मात्रै हो: अर्थमन्त्री

कान्तिपुर संवाददाता

काठमाडौँ — अर्थमन्त्री जनार्दन शर्माले आगामी आर्थिक वर्षको बजेट चुनाव लक्षित नभई विगतकै कार्यक्रमको निरन्तरता दिइएको बताएका छन् । केही नयाँ कार्यक्रम थपिए पनि ती कार्यक्रम चुनाव लक्षित नरहेको उनको भनाइ छ । 'धेरै कार्यक्रम पुरानैको निरन्तरता हो । केहीमा थोरै यताउता गरेको मात्रै हो' उनले भने ।

आफूले ल्याएको बजेट उत्कृष्ट भनेर दाबी पनि आफूले नगर्ने अर्थमन्त्री शर्माले बताए । 'हामीले यति नै गर्न सक्यौं । सबै गर्न सक्यौं भन्ने होइन, धेरै कुरा छुटेका होलान् । सबैतिर ध्यान नपुग्दो रहेछ । कतै न कतै चिप्लिइँदो रहेछ', उनले भने । त्यस्तै बजेटले आर्थिक सूचकहरुमा निश्चित लक्ष्य राखेर अघि बढेको बताए । 'हामीले बजेटमा निश्चित लक्ष्य राखेर जाने भनेका छौं । ती लक्ष्य पूरा गर्न सम्पूर्ण सरकारी संयन्त्र परिचालन हुन्छ' उनले भने, 'गरिबी अन्त्य गर्ने लक्ष्य तोकिएको छ । मानवपुँजीको विकासलाई आधारभुत ढंगबाटै हेरिनुपर्छ भनेका छौं ।

प्रकाशित : जेष्ठ १६, २०७९ २०:१३
प्रतिक्रिया
पठाउनुहोस्

जावा फोर्टी–टु स्पोर्टस् स्ट्राइप बाइक बजारमा 

कान्तिपुर संवाददाता

काठमाडौँ — नेपालमा क्लासिक लिजेन्ड्सको अधिकृत वितरक अग्नि ग्रुपको सहायक कम्पनी अग्नि मोटोइंक प्रालिले जावा फोर्टी–टु स्पोर्टस् स्ट्राइप मोटरसाइकल बजारमा ल्याएको छ । अलस्टार ब्ल्याक, ओरियन रेड र सिरियस ह्वाइटमा उपलब्ध यो मोटरसाइकल स्टाइलिङ र प्राविधिक पक्षमा विशिष्ट रहेको कम्पनीको दावी छ । जावा मोटरसाइकलको सोरुम उत्तरढोकामा आयोजित एक कार्यक्रममा यसअघि नै प्रि–बुकिङ्ग गरेकालाई मोटरसाइकल प्रदान गरिएको थियो । 

अग्नि मोटोइंकका महाप्रबन्धक शरद मिश्रले विगत दुई वर्षदेखि नेपालमा जावा बाइकको बिक्री वितरण प्रभावकारी भएको बताए । उनले भने ‘आगामी दिनहरुमा जावा ४२ स्पोर्ट्स स्ट्राइपले पनि माया पाउनेमा विश्वस्त पनि छौँ ।’ हाल ७ लाख ५८ हजार रुपैयाँ मूल्य तोकिएको जावा ४२ स्पोर्ट्स स्ट्राइप जावाका डिलरहरुमार्फत खरिद गर्न सकिने कम्पनीले जनाएको छ ।

यसमा रहेको २९३ सीसी बीएस–सिक्स लिक्विड कुल्ड, फ्युल–इन्जेक्टेड इन्जिनले हाल २७.३३ पीएस पावर र २७.०२ एनएम टर्क उत्पादनको क्षमता राख्दछ । सिंगल सिलिन्डरयुक्त इन्जिनले जावाको भोल्युमेट्रिक दक्षतालाई उत्कृष्ट चार्ज र निकास ग्यास प्रवाहको लागि सहज बनाएको कम्पनीको भनाइ छ । जावामा नयाँ सिट प्यानका साथै लामो सवारीमा थप आरामदायी बनाउन कुसनिङको साथ पुन: इन्जिनियर गरिएको छ ।

प्रकाशित : जेष्ठ १६, २०७९ १९:५९
पूरा पढ्नुहोस्
प्रतिक्रिया
पठाउनुहोस्
x
×