बाँकी रहेका शरणार्थीको जीवनरक्षा होस् : टेकनाथ रिजाल- भिडियो - कान्तिपुर समाचार

बाँकी रहेका शरणार्थीको जीवनरक्षा होस् : टेकनाथ रिजाल

कान्तिपुर संवाददाता

काठमाडौँ — भुटानी मानवअधिकारवादी नेता टेकनाथ रिजालले घरफिर्ती वा पुनर्वासको टुंगोमा पुग्न नसकेका झण्डै ७ हजार शरणार्थीको जीवनयापनको स्थिति चिन्ताजनक रहेको भन्दै गाँस, बास, कपाससहित मानवअधिकारको रक्षाका निम्ति सरकारसँग आग्रह गरेका छन् ।

बिचल्लीमा परेका शरणार्थीको सरोकार सुनाउन झापाबाट काठमाडौं आएका नेता रिजालले प्रधानमन्त्री केपी शर्मा ओली, परराष्ट्रमन्त्री प्रदीप ज्ञवाली, अर्थमन्त्री विष्णु पौडेल, गृहमन्त्री रामबहादुर थापासहितसँग भेटवार्ता गर्दै शरणार्थीले बेहोरेको पछिल्लो कठिनाइबारे अवगत गराएका थिए ।

नेता रिजालले झापा–मोरङका शरणार्थी शिविर र दर्ताविहीन अवस्थामा शिविरबाहिर बसिरहेका भुटानी नागरिकले स्थानीय तहमा व्यवहार गर्न परिचय पत्रसमेत अद्यावधिक गर्न नपाएको तथा गत जनवरीदेखि दातृ निकायले शिक्षा, स्वास्थ्य, खाद्यान्नसहितको सहयोगमा कटौती गरेका कारण कठिनाइको स्थिति रहेको अवगत गराएका थिए ।

प्रकाशित : चैत्र ६, २०७७ १४:४४
प्रतिक्रिया
पठाउनुहोस्

नेकपाबाट निर्वाचित जनप्रतिनिधिलाई बिदाइ गर्नुपर्छ : गगन थापा

दीपक परियार

पोखरा — कांग्रेस नेता गगन थापाले नेपाल कम्युनिस्ट पार्टी (नेकपा) को नामबाट निर्वाचित जनप्रतिनिधिलाई बिदाइ गर्नुपर्ने बताएका छन् । अदालतको निर्णयपछि नेकपा नामको पार्टी नरहेकोले जनप्रतिनिधि पनि नरहेको उनले बताए ।

पोखरामा शुक्रबार कांग्रेस निकट नेपाल पशु स्वास्थ्य सेवा प्राविधिक संघको गण्डकी प्रदेश भेला एवं अधिवेशनको उद्घाटन गर्दै उनले नेकपाबाट निर्वचित सांसद, वडाध्यक्ष, वडासदस्य लगायत जनप्रतिनिधिको पद मरिसकेको बताए ।

‘कास्की क्षेत्र नम्बर दुईबाट निर्वाचित सांसद (विद्या भट्टराई) कुन पार्टीको ? एमाले कि माओवादीको ?,’ उनले प्रश्न गरे, ‘उहाँहरु छान्न पाउने भन्नुहुन्छ । त्यो मत नेकपाले पाएको हो । त्यो मत निर्वाचित भएको जनप्रतिनिधिले छान्न पाउनुहुन्न । यहाँको जनताले छान्न पाउनुपर्छ । नेकपाको नामबाट निर्वाचित भएर आएको जनप्रतिनिधिलाई जनप्रतिनिधि मान्न सकिन्न । किनकी त्यो पार्टी नै छैन । पार्टी नै नरकिसकेपछि एमाले र माओवादी फरक हुन् । जनप्रतिनिधिलाई बिदाइ गर्नुपर्छ र यो ठाउँको निर्वाचनको परिणामलाई मान्दैनौं भनेर हामीले भन्नुपर्छ ।’

अदालतको निर्णयप्रति असहमति प्रकट नगरी ताली बजाउँदै गर्दा नेकपाबाट आएका तमाम निर्वाचन परिणामहरु कांग्रेसले नमान्ने उनको तर्क थियो ।

प्रकाशित : चैत्र ६, २०७७ १४:४३
पूरा पढ्नुहोस्
प्रतिक्रिया
पठाउनुहोस्
×