जाडोमा छालाको स्याहार कसरी गर्ने?- भिडियो - कान्तिपुर समाचार

जाडोमा छालाको स्याहार कसरी गर्ने?

कान्तिपुर संवाददाता

काठमाडौँ — गर्मीभन्दा जाडोमा आद्रता कम हुने भएकाले यो समयमा छालाको विशेष स्याहार चाहिन्छ । छाला सुख्खा भएपछि विभिन्न समस्याहरु आउन सक्छन् । जाडोमा छाला सुख्खा भएर चिलाउने हुनाले सुतीको कपडा प्रयोग गर्ने र बाहिरबाट ऊनीको लुगा प्रयोग गर्नुपर्छ ।

जाडोमा चिसोले गर्दा हातखुट्टा खाने समस्या आउन सक्छन् जसलाई ‘चिल्बिलेन्स’ भनिन्छ । चिसो हावा र पानीमा काम गर्ने मानिसलाई यो देखिन्छ । जस्तै रातो बिबिरा आउने र चिलाउन सक्ने हुन्छन् । समयमा उपचार गरिएन भने घाउ खटिरा बन्न सक्छन् । जाडो मौसममा तातो पानीको प्रयोग गर्ने र चिसो हावाबाट जोगिनुपर्छ । चिसोमा ‘सोरायसिस’ नामक छालाको रोग बल्झिन सक्छन् । त्यसैले जाडोमा तातो पानीको प्रयोग गर्ने र चिसो हावाबाट बच्नुपर्छ । छाला सुख्खा हुन नदिन छालामा मोइस्चराइजर लगाउनुपर्छ । मोइस्चराइजर पेट्रोलियमयुक्त हुनपर्छ । मोइस्चराइजर बास्नारहित लगाउनुपर्छ किनकी कहिलेकाहीँ यसले एलर्जीको समस्या गराउन सक्छ । साबुन प्रयोग गर्दा मोइस्चराइजिङ साबुनको प्रयोग गर्नुपर्छ जस्तै त्यसमा ग्लिसरिन मिसिएको हुनुपर्छ । बाक्लो पञ्जा र मोजाको प्रयोग गर्नुपर्छ ।छालाको समस्या आए चिकित्सकसित सम्पर्क गर्नुपर्छ ।

प्रकाशित : पुस २२, २०७७ १५:५६
प्रतिक्रिया
पठाउनुहोस्

सुदूरपश्‍चिमका आर्थिक मामिलामन्त्री बोहराले दिए राजीनामा 

अर्जुन शाह

धनगढी — सुदूरपश्‍चिमका आर्थिक मामिला तथा योजनामन्त्री झपट बोहराले पदबाट राजीनामा दिएका छन् । उनले बुधबार पत्रकार सम्मेलन गरी पदबाट राजीनामा दिएको घोषणा गरेका हुन् । 

नेकपा विभाजनसँगै बोहोरा ओली पक्षमा खुल्दै पदबाट राजीनामाको घोषणा गरेका हुन् । ओली पक्षले उनलाई केन्द्रीय सदस्यसमेत मनोनित गरिसकेको छ ।

सुदूरपश्‍चिम प्रदेश सरकारमा सुरुदेखि नै ओली पक्षमा खुलेका भौतिक पूर्वाधार विकासमन्त्री पठानसिंह बोहरालाई यसअघि नै मुख्यमन्त्री त्रिलोचन भट्टले पदबाट हटाइसकेका छन् । बोहरा पनि बाहिरिएपछि प्रदेश सरकारमा दाहाल–नेपाल पक्षधर मन्त्री मात्रै कायम रहेका छन् ।


प्रकाशित : पुस २२, २०७७ १५:४०
पूरा पढ्नुहोस्
प्रतिक्रिया
पठाउनुहोस्
×