कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १६६

नास्टको युवा वैज्ञानिक अनुसन्धान कार्यक्रम स्थगित

युवा वैज्ञानिक अनुसन्धान कार्यक्रमका लागि ४ सय अनुसन्धानात्मक प्रस्ताव पेस भएका थिए

काठमाडौँ — नास्टले युवा वैज्ञानिक अनुसन्धान कार्यक्रम स्थगित गरेको छ । युवा वैज्ञानिकहरूका लागि भनेर अनुसन्धान सहयोगका लागि सञ्चालित कार्यक्रम अर्थ मन्त्रालयका कारण स्थगित भएको नास्टले भनेको छ ।

नास्टको युवा वैज्ञानिक अनुसन्धान कार्यक्रम स्थगित

युवा अनुसन्धानकर्ताहरूका लागि भनेर नास्टले ५ करोड रूपैयाँ बजेट विनियोजन गरेको थियो । त्यसका लागि नास्टको उद्देश्यसँग सम्बन्धित अनुसन्धानात्मक प्रस्ताव ल्याउनका लागि आग्रह गरेको थियो । करिब ४ सय वटा अनुसन्धानात्मक प्रस्तावहरू परेको नास्टका सूचना अधिकारी भोजराज अधिकारीले जानकारी दिए ।

उनका अनुसार युवा अनुसन्धानकर्ताहरूले पठाएका अनुसन्धानका प्रस्तावहरू मूल्यांकनका लागि विज्ञहरू समक्ष पठाउने तयारी हुँदै गरेको अवस्थामा अर्थ मन्त्रालयले स्थगित गरेको हो । माघ १७ गतेको बजेट कटौती तथा कार्यक्रम स्थगितसम्बन्धीको पत्रअनुसार युवा वैज्ञानिक अनुसन्धान कार्यक्रम स्थगित भएको नास्टले जनाएको छ ।

अधिकारीले ईकान्तिपुरिसत भने, 'माघ १७ गते हामीलाई अर्थ मन्त्रालयबाट पत्र प्राप्त भएपछि अनुसन्धान कार्यक्रम स्थगित नहोस् भनेर कोसिस पनि गर्‍यौं । नास्टको म्यानेजमेन्टसहितको छलफलबाट हाललाई यो कार्यक्रम स्थगित गर्ने निर्णय भएको छ । ' बजेट अभावका कारण कार्यक्रम होल्ड भएकाले स्रोत उपलब्ध हुनसाथ सञ्चालन गरिने उनले बताए ।

नास्टका प्रवक्ता रवीन्द्र ढकालले कार्यक्रमलाई निरन्तरता दिनका पहल भइरहेको बताए । उनले भने, 'प्राप्त अनुसन्धानात्मक प्रस्तावहरू एउटा चरणमा पुगेर राखिएको छ । अर्को आर्थिक वर्षमा यसैलाई दोहोर्‍याउने विषयमा छलफल भएको छ । ' उनले अर्को सूचना नभएसम्मका कार्यक्रम स्थगित भएको बताए ।

यस्तै, नास्टमा उपकूलपति रिक्त हुँदा स्नातकोत्तर तहका विद्यार्थीहरुले पेस गरेको शोधपत्र अनुदान सम्बन्धीका प्रस्ताव स्वीकृत पनि रोकिएको छ । नास्टमा ४ महिनादेखि उपकूलपति रिक्त छ ।

प्रकाशित : जेष्ठ १, २०८० १४:१६
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?