बैंकिङ क्षेत्र दैनिक साइबर अपराधका घटनासँग जुधिरहेको छ : चिफ अपरेटिङ अफिसर पन्त
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — प्रभु बैंककी चिफ अपरेटिङ अफिसर रश्मी पन्तले पछिल्लो समय बैंकिङ क्षेत्रले दैनिक रूपमा साइबर असुरक्षासम्बन्धी घटनाहरूको सामना गरिरहेको बताएकी छिन् ।
![](https://assets-cdn.ekantipur.com/uploads/source/ads/900x100-1172024092759.gif)
![बैंकिङ क्षेत्र दैनिक साइबर अपराधका घटनासँग जुधिरहेको छ : चिफ अपरेटिङ अफिसर पन्त](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/rashmi-pant-2322023113048-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
कान्तिपुर मिडिया ग्रुपले बिहीबार आयोजना गरेको 'कान्तिपुर : साइबर सेक्युरिटी डायलग १.०' को पहिलो सत्र 'अधिक प्रयोग : न्यून साक्षरता' मा आफ्ना कुरा राख्दै पन्तले साइबर अपराधसम्बन्धी घटनाहरू सामान्य ट्रेन्डजस्तै भएको बताइन् ।
'बैंकमा दैनिक एउटा/दुइटा मात्र घटना आउँदैनन् । फेसबुक, इन्स्टाग्रामलगायत विभिन्न सञ्जालबाट यस्ता घटनाहरू आउँछन्,' उनले भनिन् । केही समयअघि एटीएम ह्याक गरेर पैसा निकालिएको उदाहरण दिँदै उनले भनिन्, 'त्योबेला बैंकलाई बर्डन पनि भएको थियो । समग्र अर्थतन्त्रमा असर परेको थियो ।
झट्ट हेर्दा बैंक भिक्टिम भयो, त्योसँग जोडिएका अरु कम्पनी पनि थिए । बैंकले आफनो सिस्टमलाई इनटेक बनायो रोबस्ट बनायो ।' बैंकिङ ठगीमा सधैं प्रविधिगत त्रुटि मात्र नहुने पनि उनले प्रस्ट पारिन् । उनले अगाडि भनिन्, 'सधैं टेक्नोलोजिकल ब्रिच मात्र हुन्छ भन्ने हुँदैन । अहिलेको ट्रेन्ड हेर्ने हो भने टेक्नोलोजीभन्दा टेक इट इजीका रूपमा लिँदा यस्तो भएको हो ।'
नेपाली बैंकिङ क्षेत्रमा २ वटा घटनामा मात्र 'टेक्नोलोजिकल ब्रिच' भएको उनले बताइन् । बैंकहरूले दैनिक रूपमा भोग्दै आएका चुनौतीलाई सामना गर्दै 'रिप्लेसमेन्ट' भइरहको पनि उनको भनाइ थियो। विश्वका अधिकांश देश बैंकिङलगायत विभिन्न क्षेत्रमा भविष्यमा आउन सक्ने साइबर सुरक्षासम्बन्धी चुनौतीको सामनाका लागि तयार भए नेपाल भने अझै पछि रहेको उनले बताइन् ।
![](https://assets-cdn.ekantipur.com/uploads/source/ads/900-x-100-0172024023126.gif)