ट्वान्टी-२० विश्वकप क्रिकेट : फाइनलमा भारत र दक्षिण अफ्रिका भिड्ने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — भारतले इंग्ल्यान्डविरुद्ध प्रभावशाली खेल प्रदर्शन गर्दै ६८ रनले बिहीबार पराजित गरेको छ । यससँगै भारत प्रतियोगिताको फाइनल प्रवेश गरेको छ । यससँगै इंल्ग्यान्डले उपाधि रक्षा गर्ने सम्भावना समाप्त भएको छ । भारतले भने फाइनलमा शनिबार दक्षिण अफ्रिकाको सामना गर्नेछ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![ट्वान्टी-२० विश्वकप क्रिकेट : फाइनलमा भारत र दक्षिण अफ्रिका भिड्ने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/india-2862024025053-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कठिन सावित भएको पिचमा जितका लागि १ सय ७२ रनको लक्ष्य पाएको इंग्ल्यान्डले १६.४ ओभर मात्र टिकेर १ सय ३ रन बनाउन सक्यो । इंग्ल्यान्डका लागि कोही पनि ब्याटरले गतिलो योगदान दिन सकेन् । ह्यारी ब्रुक्सको २५ रन नै सर्वाधिक ठूलो व्यक्तिगत स्कोर रह्यो ।
कुलदीप यादव र अक्षर पटेलले घातक बलिङ गरे । उनीहरूले तीन/तीन विकेट लिए । अक्षरले २३ रन मात्र खर्चे र ‘प्लेयर अफ द म्याच’ पनि भए । जसप्रित बुमराहले पनि दुई विकेट हात पारे ।
त्यसअगाडि भारतले ७ विकेटको क्षतिमा १ सय ७१ रन बनाएको थियो । रोहित शर्माले फेरि कप्तानी इनिङ्स खेल्दै ५७ रन बनाए । उनले ६ चौका र २ छक्का प्रहार गरे । यस्तै सूर्यकुमार यादवले ४७ रनको योगदान दिए ।
फाइनल खेल नेपाली समयअनुसार शनिबार बेलुका सवा ८ बजे सुरु हुनेछ ।
प्रकाशित : असार १४, २०८१ ०६:३२