नेपाल पेचिलो परिस्थितिमा छ : महासचिव चन्द

उनले नेपाल सुन्दर र स्रोत साधनले पूर्ण रहेकाले सबैको आँखा नेपालमा रहेको बताए ।

उनले विश्वका विभिन्न कुदृष्टि नेपालमाथि परिरहेको बताए । उनले नेपालमा रहेको स्रोत साधनलाई कब्जा गर्ने होडबाजी चलिरहेको बताए । ‘नेपाल आज एउटा पेचिलो परिस्थितिमा छ । नेपालको राष्ट्रिय स्वाधिनता आजको विश्वको ध्रुविकृत राजनीति, नेपालको भूराजनीतिका कारणले निकै ठूलो दबाबमा छ भन्नेकुरा यहाँहरु सबैलाई थाहा छ,' उनले भने, 'हाम्रो देश सुन्दर पनि छ, हाम्रो देश निकै स्रोत सधानले सम्पन्न पनि छ । सुन्दरता र स्रोत साधानले सम्पन्न हुनु भनेको निकै चुनौतीपूर्ण हो । सुन्दरतामा सबैको आँखा पर्छ । आज सम्पूर्ण कुतत्वहरुको आँखा नेपालमा परिरहेको छ । यसको स्रोत, साधनलाई कब्जा गर्ने होडबाजी निकै तीव्र ढंगले चलिरहेको छ ।'

नेपालका श्रमिक जनताका चाहनाहरु अधूरै रहेको पनि उनको भनाइ थियो । महासचिव चन्दले नेपाल युगान्तकारी परिवर्तनबाट अहिलेको अवस्थामा आइपुगेको बताए ।