डीबीएसले जित्यो नेप्लिज बास्केटबल लिग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
लन्डन — नेपाल बास्केटबल यूकेद्वारा आयोजित तेस्रो ए स्टार नेप्लिज बास्केटबल लिग डीबीएस हेजले जितेको छ । लन्डन अक्सब्रिजस्थित ब्रुनेल युनिभर्सिटी स्पोर्ट्स सेन्टरमा शनिबार सम्पन्न फाइनलमा डीबीएसले ग्रीनफोर्ड नाइट्सलाई पराजित गर्दै दोस्रो पटक च्याम्पियन बनेको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![डीबीएसले जित्यो नेप्लिज बास्केटबल लिग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/e41f3f45-7d13-4788-bf8e-bd5be057fb54-2562024025804-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
११ साताको लिग खेल र तीन साताको प्लेअफपछि सम्पन्न फाइनलमा डीबीएसले लिगमा आफ्नो प्रभुत्व जमायो । उक्त बास्केटबल लिग २१ जनवरीमा सुरु भएर १४ साता चलेको थियो । प्रतियोगितामा ११ टिम भिडेका थिए । प्रतियोगिताको फाइनल र लिग दुवैमा मोस्ट भ्यालुएबल प्लेयर आयुष सिंह भए ।
समापनमा नेपालका पूर्वराष्ट्रिय खेलाडीलाई खेलकुदमा पुर्याएको योगदानको कदर गर्दै सम्मान गरिएको थियो । सम्मानित हुनेमा मनोज शेरचन, आयुष सिंह, विनोद श्रेष्ठ, अमिर घले र निर्मल गुरुङ थिए । ह्विलचेयर बास्केटबलमा उत्कृष्ट प्रदर्शन गर्ने ह्विलचेयर खेलाडी दीपेश विश्वकर्मालाई विशेष सम्मान गरिएको संयोजक अंकित क्षेत्रीले जनाए ।
खेलाडीलाई हौसला प्रदान गर्न १३ हिमाल आरोहण गरिसकेका तेजन गुरुङ, कलाकार आशिक गुरुङ र प्रदीप गुरुङ एवं आइजेन जस्ता सेलिब्रेटीहरू पनि उपस्थित थिए ।
लिगको मुख्य प्रायोजन ए स्टार फाइनान्सियल सोलुसन्स यूके र सहप्रायोजन बल ड्रिभन, नेपाल फुड्स, गोर्खा कन्स्ट्रक्सन, हेज नेपाली सेन्टर एवं शिलाज् किचनले गरेका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)