२१.१२°C काठमाडौं
हंगेरीलाई हराएर स्विट्जरल्यान्ड दोस्रोमा
कोलान — युरो-२०२४ को समूह ‘ए’ को खेलमा स्विट्जरल्यान्डले हंगेरीलाई ३–१ ले पराजित गरेको छ । यससँगै स्विस टिम आफ्नो समूहको दोस्रो स्थानमा रह्यो । यसअघि यसै समूहको खेलमा आयोजक जर्मनीले स्कटल्यान्डलाई ५–१ ले पराजित गरेको थियो ।
स्विस टिमले प्राप्त गरेको जितमा क्वाडोओ ड्वाह र मिचेल एबिसचेरले पहिलो हाफमा १/१ गोल गरे । दोस्रो हाफमा हंगेरीका लागि बारनबास भरगाले १ गोल फर्काए र खेलले रोमाञ्चक मोड लियो । तर दोस्रो हाफको इन्ज्युरी समयमा ब्रेल इमबोलोले तेस्रा गोल गर्दै स्विट्जरल्यान्डको जित निश्चित गरे । जर्मनी र स्विटरल्यान्ड दुवै समान ३ अंकमा रहे ।
प्रतिक्रिया
