राष्ट्रिय उसु प्रतियोगिता हुने

जेष्ठ २८, २०८१कान्तिपुर संवाददाता

काठमाडौँ — नेपाल उसु महासंघको आयोजनामा १६ औं राष्ट्रिय उसु प्रतियोगिता असार २ देखि हुने भएको छ । प्रतियोगितामा विभिन्न ४० जिल्ला र तीन विभागीय टोलीलाई आमन्त्रण गरिएको उसु महासंघका उपमहासचिव राजीव महर्जनले जनाएका छन् ।

करिब २ सय ५० खेलाडीको सहभागिता अपेक्षा गरिएको आयोजकले जनाएको छ । थाउलो र सान्डामा गरी २७ स्पर्धामा खेल हुनेछ ।

शीर्ष तीन स्थान हात पार्ने टिमले क्रमशः ३० हजार, २० हजार र १० हजार रुपैयाँ पुरस्कार प्राप्त गर्नेछन् । तीनदिने प्रतियोगिताका खेल त्रिपुरेश्वरस्थित राखेप सेमिकभर्डहलमा हुनेछ ।