२६.१२°C काठमाडौं
पाँचौं थाहा गोल्डकपको उपाधि ऋषेश्वर-११ लाई
हेटौंडा — पाँचौं थाहा गोल्डकपको उपाधि थाहा नगरपालिका-४ दोबाटोस्थित ऋषेश्वर- ११ फुटबल क्लबले हात पारेको छ। थाहा नगरपालिकाको इन्न्द्रायणी चौर खेल मैदानमा बुधवार भएको फाइनल खेलमा चित्लाङ खेलकुद बिकास समितिलाई ७–० को फराकिलो गोल अन्तरले पराजित गर्दै ऋषेश्वर-११ ले उपाधि हात पारेको हो।
ऋषेश्वरको जितमा अमित तामाङले १ गोल, रिचार्ड विल्सनले ३ गोल, सन्जोग मोक्तानले १ गोल र सुनिल तामाङले २ गोल गर्दै टिमलाई बिजयी गराए। मंगलवार हुने भनिएको फाइनल खेल वर्षाका कारणले रोकिएकाले बुधवार संचालन गरिएको थियो ।
प्रतियोगितामा हाइ स्कोरर ऋषेश्वर-११ का रिचार्ड विल्सन हुँदा बेस्ट डिफेन्डर ऋषेश्वरकै अमित तामाङ र उत्कृष्ट गोलकिपर ऋषेश्वरका नवीन सिलवाल घोषित भए । प्रतियोगिताको उत्कृष्ट खेलाडी ऋषेश्वर-११ का प्रदिप गुरुङ घोषित भए ।
उपाधि हात पारेसंगै ऋषेश्वर-११ ले २ लाख सहित ट्रफी, मेडल तथा प्रमाणपत्र हात पारे भने उपबिजेता चित्लाङले १ लाख सहित मेडल तथा प्रमाणपत्र प्राप्त गरे ।
प्रकाशित : जेष्ठ १६, २०८१ १९:०१
