नेपालविरुद्ध ब्याटिङ गर्दै नेदरल्याण्ड्स

शुक्रबार नखेलाइएका नेपालका कुशल भूर्तेललाई आजको खेलमा राखिएको छ । अनिल साहको ठाउँमा भूर्तेललाई खेलाइएको हो । नेपालले टोलीमा अन्य कुनै परिवर्तन गरेको छैन । नेपाल यो खेल जित्नै पर्ने दबाबमा छ ।

नेपाल पहिलो खेलमा नामिबियासँग २० रन र दोस्रो खेलमा नेदरल्यान्ड्ससँग २ रनले पराजित भएको थियो । तेस्रो खेलमा नामिबियालाई ३ रनले हराउँदै फाइनल सम्भावना कायमै राखेको छ । नेपाल आजको खेलमा विजयी हुँदा ४ अंक हुनेछ ।

आइतबार नेदरल्यान्ड्सले नामिबियालाई हराएमा नेपाल फाइनलमा पुग्नेछ । नामिबिया विजयी भयो भने नेटरनरेटको आधारमा फाइनल पुग्ने टोलीको तय हुने छ ।