![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — त्रिवि क्रिकेट मैदान कीर्तिपुरमा जारी ट्वान्टी २० अन्तर्राष्ट्रिय त्रिकोणात्मक क्रिकेट शृंखलामा नेदरल्यान्ड्सले टस जितेर ब्याटिङ गर्ने भएको छ । शनिबार साढे ११ बजे सुरु हुने खेलमा नेदरल्यान्ड्सका कप्तान स्कट एडवार्ड्सले टस जितेर पहिला ब्याटिङ गर्ने निर्णय लिएका हुन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![नेपालविरुद्ध ब्याटिङ गर्दै नेदरल्याण्ड्स](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/wicket-0232024070636-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
शुक्रबार नखेलाइएका नेपालका कुशल भूर्तेललाई आजको खेलमा राखिएको छ । अनिल साहको ठाउँमा भूर्तेललाई खेलाइएको हो । नेपालले टोलीमा अन्य कुनै परिवर्तन गरेको छैन । नेपाल यो खेल जित्नै पर्ने दबाबमा छ ।
नेपाल पहिलो खेलमा नामिबियासँग २० रन र दोस्रो खेलमा नेदरल्यान्ड्ससँग २ रनले पराजित भएको थियो । तेस्रो खेलमा नामिबियालाई ३ रनले हराउँदै फाइनल सम्भावना कायमै राखेको छ । नेपाल आजको खेलमा विजयी हुँदा ४ अंक हुनेछ ।
आइतबार नेदरल्यान्ड्सले नामिबियालाई हराएमा नेपाल फाइनलमा पुग्नेछ । नामिबिया विजयी भयो भने नेटरनरेटको आधारमा फाइनल पुग्ने टोलीको तय हुने छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)