आर्मीले जित्यो पाँचथर गोल्डकप
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पाँचथर — विभागीय टिम त्रिभुवन आर्मी क्लब पाँचथर गोल्कपको उपाधि विजेता बनेको छ । शनिबार साँझ सम्पन्न फाइनल खेलमा प्रतिस्पर्धी आयोजक पाँचथर क्लबलाई २–४ गोल अन्तरले हराउँदै आर्मीले पाँचथर गोल्डकपको उपाधिमाथि कब्जा जमाएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![आर्मीले जित्यो पाँचथर गोल्डकप](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/armee-upadee-bijeta-0232024023407-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
प्रतियोगितामा आर्मीका दिप लामाले मात्रै २ गोल गरे भने पदम तामाङ र सन्तोष केसीले १–१ गोल गरे ।
यस्तै आयोजक पाँचथर क्लबका आशीष चाँपागाईं र प्रशान्त लक्समले १–१ गोल गरे । उपाधि जितेसँगै विजेता आर्मीले नगद ५ लाख ५ हजार ५ सय ५५ रुपैयाँसँगै ट्रफी प्राप्त गर्यो भने उपविजेता आयोजक पाँचथर क्लबले नगद २ लाख ५५ हजार ५ सय ५५ रुपैयासहित ट्रफीमा चित्त बुझायो ।
फाइनल खेलमा आर्मी क्लबका पदम तामाङले म्यान अफ दि म्याच घोषित हुँदै ५ हजार रुपैयाँ पुरस्कार प्राप्त गरे । आर्मीकै रुपेश क्षेत्री वेष्ट मिड फिल्डर, आदर्श मल्ल वेष्ट कोच, नविन परिवार वेष्ट गोल किपर, आयोजक पाँचथर क्लबका रोशन आङदेम्बे मेन अफ दि टुर्नामेन्ट र आयोजक टिमका मनिष क्षेत्रीले राइजिङ प्लेयरको उपाधिसहित पुरस्कृत भए ।
शनिबारको खेलमा सन्तोष मोक्तान सुट आउट हिरो र कुम्याय ३ का नरेन्द्र सम्बाहाम्फे फ्यान अफ दि टुर्नामेन्टका रुपमा पुरस्कृत भए ।
विजेता टिम र खेलाडीलाई प्रदेशसभा सांसद मैया श्रेष्ठ लावती, फिदिम नगरपालिकाका मेयर मित्रप्रसाद काफ्ले, उपमेयर राधाकृष्ण न्यौपाने र जिल्ला खेलकुद विकास समितिका अध्यक्ष सन्तोष मोक्तानले पुरस्कार ट्रफी र मेडल प्रदान गरे ।
फागुन १२ गते भएको चौचो संस्करणको पाँचथर गोल्डकपमा नेपाल र भारतका ८ टिम सहभागी थिए ।
![](https://assets-cdn.ekantipur.com/uploads/source/ads/900-x-100-0172024023126.gif)