महिला विश्वकप २०२३ : स्विडेनसँग सडन डेथमा पराजित हुँदै अमेरिका बाहिरियो

लिना हर्टिजले स्विडेनका लागि प्रहार गरेको सातौं प्रहार नाटकीयरूपमा गोलमा परिणत भएपछि टिमले प्रतियोगिताको अन्तिम आठको यात्रा तय गरेको हो । अमेरिकी गोलरक्षक एलेसा नहेररले जोगाए पनि बलले गोल लाइन झिनो अन्तरले नाघेको थियो । त्यस अगाडि निर्धारित र अतिरिक्त गरेर १ सय २० मिनेटको खेल गोलरहित बराबरीमा टुंगिएको थियो ।

अब सेमिफाइनल प्रवेशका लागि स्विडेनले जापानको सामना गर्नेछ ।