![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पाँचथर — पाँचथरको रानिटारमा जारी प्रथम तमु ल्होछार महिला फुटबल प्रतियोगिता अन्तर्गत मंगलबार भएका दुई खेलमा बिर्तामोड र कन्काइ फुटबल टिम विजयी हुँदै सेमीफाइनलमा प्रवेश गरेका छन् ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
पहिलो खेलमा जनता सेभेन एफसी ताप्लेजुङलाई ०–३ गोल अन्तरले हराउँदै कन्काइ नगरपालिका झापा विजयी भएको हो । दोस्रो खेलमा कर्णसिङ सोनाम मेमोरियल एफसी ताप्लेजुङलाई ०–२ गोल अन्तरले हराउँदै बिर्तामोड फुटबल क्लब झापा विजयी भएको हो ।
प्रतियोगितामा बुधबारदेखि सेमि फाइनल चरणका खेलहरु हुनेछन् । जस अन्तर्गत पहिलो खेल आयोजक रानिटार युनाइटेड र द सेभेन युथ क्लब धनकुटाबीच हुनेछ । दोस्रो खेल कन्काइ नगरपालिका झापा र बिर्तामोड फुटबल क्लबबीच प्रतिस्पर्धा हुनेछ ।
प्रतियोगिताका विजेताले ८० हजार र उपविजेताले ५० हजार नगदसहित ट्रफि, मेडल र प्रमाणपत्र पाउनेछन् ।
![](https://assets-cdn.ekantipur.com/uploads/source/ads/900-x-100-0172024023126.gif)