कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १९३

मकवानपुर गोल्डकपमा दुई टोली थपिए

मकवानपुर — यसै साताबाट हेटौंडामा सुरु हुने चौथो संस्करणको स्थानीय तह मकवानपुर गोल्डकप फुटबल प्रतियोगिता–२०७९ मा भाग लिने टोलीको संख्या १२ पुगेको छ । यसअघि आयोजकले १० टोली सहभागी हुने जनाए पनि सोमबार पुनः पत्रकार सम्मेलनमा मनाङ मर्स्याङ्दी र चर्च ब्वाइज क्लब थपिएको जनाएको हो ।

मकवानपुर गोल्डकपमा दुई टोली थपिए

प्रतियोगिता समापन मिति पनि दुई दिन सरेको छ । अब जेठ १९ देखि ३० सम्म प्रतियोगिता हुनेछ । मकवानपुर जिल्ला फुटबल संघको आयोजना तथा जिल्लाका १० स्थानीय तहको सहयोगमा हेटौंडा–५ स्थित पिप्लेक्याम्पा रंगशालामा हुने प्रतियोगिताको सम्पूर्ण तयारी पूरा भएको छ । एक विदेशी क्लबले पनि भाग लिनेछ । प्रतियोगितामा विभागीय टोली त्रिभुवन आर्मी, नेपाल पुलिस, एपीएफ क्लब, फ्रेन्ड्स, खुमलटार युथ क्लब, नव जनजागृति सिमरा, वाग्मती युवा क्लब सर्लाही, विजय युथ क्लब हेटौंडा र चितवन–११ टिम प्रतिस्पर्धी हुनेछन् । विदेशी क्लबमा एभिनियर एफसी क्यामरुन रहेको छ । प्रकाशित खेल तालिकाअनुसार उद्घाटन खेलमा सर्लाही र सिमराबीच प्रतिस्पर्धा हुनेछ ।

आयोजक संघका अध्यक्ष टीकाराम लामाले विजेताले १५ लाख र उपविजेताले १० लाख रुपैयाँ प्राप्त गर्नेछन् । सर्वोत्कृष्ट खेलाडीले ६ लाखबराबरको बुलेट बाइक पाउनेछन् । यसवर्ष प्रथम र द्वितीय पुरस्कारमा वृद्धि गरिएको संयोजक प्रताप विष्टले जानकारी दिए । अघिल्लो वर्ष विजेताले १० र उपविजेताले ५ लाख पाएका थिए । साबिक विजेता आर्मी हो । विवादका कारण प्रतियोगितामा राष्ट्रिय टोलीबाट निस्किएका ११ खेलाडी सहभागी हुने वा नहुने अन्योल नै रहेको आयोजकले जनाएको छ ।

प्रकाशित : जेष्ठ १७, २०७९ ०६:३०
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?