कान्तिपुर वेबसाईट
AdvertisementAdvertisement
१९.१२°C काठमाडौं
काठमाडौंमा वायुको गुणस्तर: २५४

गुजरात डेब्युमै च्याम्पियन

एएफपी

अहमदबाद — कप्तान हार्दिक पाण्ड्येले ‘डेब्यु सिजन’ मै आईपीएलको उपाधि जितेपछि आउने पुस्ताले गुजरात टाइटन्सबारेमा कुरा गर्ने बताएका छन् । उनको टिमले १ लाख ५ हजार घरेलु दर्शकसामु राजस्थान रोयल्सलाई पराजित गर्दै उपाधि कब्जा गरेको हो ।

गुजरात डेब्युमै च्याम्पियन

हार्दिकले ३–१७ को उत्कृष्ट बलिङ प्रदर्शन गर्दै राजस्थानलाई ९ विकेटको क्षतिमा १३० रनमै सीमित पारेका थिए । अहमदबादको विश्वकै सबैभन्दा ठूलो क्रिकेट रंगशालामा भएको फाइनल एकपक्षीय भयो । त्यसपछि उनले ब्याटिङ गर्दै ३४ रन पनि बनाए । उनीसँगै सवनम गिल (४५ रन) र डेविड मिलर (३२ रन) को सहयोगमा घरेलु टिमले १ लाख ३२ हजार दर्शक क्षमताको रंगशालामा १८.१ ओभरमै ७ विकेटको जित हासिल गर्यो । विश्वकै सबैभन्दा बनी घरेलु क्रिकेटमा प्रवेशलाई गुजरातले कथाजस्तै गरी पूर्णता दियो । आईपीएलमा यो वर्ष गुजरात र लखनउ सुपर जायन्ट्सलाई थपेर १० टिम पुर्‍याइएको थियो ।

‘यो उपाधि एउटा विशेष बन्नेछ किनभने हामीले एउटा बेग्लै पहिचान बनाएका छौं,’ पाँचौंपल्ट आईपीएल उपाधि जितेका हार्दिकले भने, ‘आउने पुस्ताले यसबारे गफ गर्नेछन् ।’ उनले यसअघि मुम्बई इन्डियन्सबाट चारपल्ट आईपीएल जितेका थिए ।

गत फेब्रुअरीमा अक्सन भएपछि धेरैले गुजरात टिमको आलोचना गरेको थियो । तर, टोलीले उपाधि जित्दै आलोचकलाई चुप लगाएको छ । प्लेअफमा पुग्ने पहिलो टिम भएको गुजरातले फाइनलमा एकतर्फी जित नै निकाल्यो । सन्जु सामसनको कप्तानीमा रहेको राजस्थानको पहिला ब्याटिङ गर्ने निर्णयमा मुख्य ब्याटर जोस बटलरलाई हार्दिकले ३९ रनमै आउट गरिदिए । दोस्रो क्वालिफायरमा १०६ रन जोडेका बटलरले प्रतियोगिताकै सर्वाधिक ८६३ रन बनाए । आईपीएलको एउटै सिजन चार शतक प्रहार गरेका विराट कोहलीको कीर्तिमान पनि बराबरी गरेका उनी प्रतियोगिताकै सर्वोत्कृष्ट खेलाडी पनि चुनिए । अफगान स्पिनर रशिद खानले पनि पुनरागमनमा १८ रन दिएर एक विकेट लिँदै आफ्नो प्रभाव देखाए ।

प्रकाशित : जेष्ठ १७, २०७९ ०६:३६
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?