शीर्षमा रियलको चार अंकको अग्रता
काठमाडौँ — भिनिसियस जुयिनरले ८७ औं मिनेटमा गरेको उत्कृष्ट गोलमा रियल म्याड्रिडले आइतबार स्पेनी ला लिगामा सेभियालाई २–१ ले हराएको छ । रियलले एक गोलले पछाडि रहेको स्थितिबाट यो जित निकालेको हो ।
यो जितपछि रियलले लिग तालिकाको शीर्ष स्थानमा चार अंकको अग्रता पनि लिएको छ । रियलले हात पारेको यो लगातार छैटौं जित पनि हो । सेभियाले राफा मिरको गोलले अग्रता लिएको थियो ।
तर करिम बेन्जेमाले बराबरी गोल फर्काए र यो उनको सिजनको १९ औं व्यक्तिगत गोल हो । आइतबारकै अर्को खेलमा एटलेटिको म्याड्रिडले काडिजलाई ४–१ ले हरायो र २९ अंकमा दोस्रो स्थानमा उक्लिन सफल रह्यो ।
प्रतिक्रिया
