बेलबारी गोल्डकप : हिमालायन शेर्पा सेमिफाइनलमा
विराटनगर — हिमालयन शेर्पा फुटबल क्लब मोरङमा जारी चौथो बेलबारी गोल्डकप फुटबल प्रतियोगिताको सेमिफाइनल पुगेको छ । शेर्पाले शनिबार गाईघाट फुटबल क्लब उदयपुरलाई ३–० ले हरायो ।
शेर्पाबाट १९ औं मिनेटमा जीवन गुरुङको पासमा मनीष थापाले गोलको खाता खोलेका थिए । ५५ औं मिनेटमा विश्वास श्रेष्ठको पासमा सेवी गुरुङ र ७१ औं मिनेटमा विश्वास श्रेष्ठले फ्रिकिकमा गोल थप्दै हिमालयन शेर्पालाई फराकिलो जित दिलाए ।
हिमालयनका विसन गुरुङ म्यान अफ द म्याच भए । उनले ५ हजार पाए । आइतबार रारा फुटबल क्लब राजारानी धनकुटा र आयोजक डाँगीहाट फुटबल क्लबबीच प्रतिस्पर्धा हुनेछ ।
प्रतिक्रिया