भारतसँग खेल्न नेपाली टिमको घोषणा, तीन परिवर्तन
काठमाडौँ — नेपालले साफ च्याम्पियनसीप २०२१ मा आइतबार भारतको सामना गर्दैछ र त्यसका लागि प्रशिक्षक अब्दुल्लाह अल्मुताइरीले सुरुआती ११ खेलाडीको सूची जारी गरेका छन् ।
नेपालको सुरुआती ११ मा कप्तान किरण लिम्बू, दिनेश राजवंशी, अनन्त तामाङ, गौतम श्रेष्ठ, सुमन अर्याल, पुजन उपरकोटी, सुमन लामा, तेज तामाङ, सुजल श्रेष्ठ, मनीष डांगी र रोहित चन्द छन् ।
प्रतियोगितामा श्रीलंकाको सामना गरेको टिममा सुरुमै खेल्न नपाएका दिनेश, सुजल र मनीष फेरि फर्केका छन् । उनीहरूले विशाल राई, अञ्जन विष्ट र नवयुग श्रेष्ठको स्थान लिनेछन् ।
प्रतियोगितामा नेपाल ६ अंकसहित शीर्ष स्थानमा छ । माल्दिभ्सको पनि समान ६ अंक छ । त्यसपछि बंगलादेशको ४, भारतको ४ तथा श्रीलंकाको १ अंक छ ।
प्रकाशित : आश्विन २४, २०७८ २१:०८प्रतिक्रिया