सिम्रिकलाई जीएफसी कप
अस्ट्रेलिया — अस्ट्रेलियाको ब्रिसबनमा आयोजित जीएफसी कप फुटबलको उपाधि स्थानीय सिम्रिक फुटबल क्लबले जितेको छ । कोरोना माहामारीबीच भएको प्रतियोगितामा विभिन्न स्थानका १२ क्लबले भाग लिएका थिए ।
ब्रिसबनमा रहेका नेपाली फुटबल क्लबबीच आयोजना गरिएको प्रतियोगितामा विभिन्न तीन समूहमा राखेर प्रतिस्पर्धा गराइएको थियो । अपराजित रही सिम्रिकले उपाधिसँगै ३ हजार डलर जितेको छ ।
गोर्खा फुटबल क्लबले आयोजना गरेको प्रतियोगितामा उपविजेता फरेभर योङ फुटबल क्लबले १ हजार डलर पाएको थियो । उत्कृष्ट गोलकिपर विजेताका शैलेन्द्र बस्नेत भए । फाइनलका प्लेयर अफ द म्याच नरेन्द्र रावल भए ।
प्लेयर अफ द टुर्नामेन्ट फरेभरका रोशन न्यौपानेले जिते । आयोजकले ब्रिसबनमा रहेका नेपाली फुटबल खेलाडीलाई स्थान दिन र नयाँ प्रतिभाको पहिचान गर्ने उद्देश्यसाथ प्रतियोगिता गरिएको जनाएको छ । स्पर्धामा स्थानीयका साथै नेपाली दर्शकको सहभागिता थियो ।
प्रकाशित : आश्विन ७, २०७८ ०८:१९