मालोर्कामाथि रियलको प्रभावशाली जित- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

मालोर्कामाथि रियलको प्रभावशाली जित

एजेन्सी

म्याड्रिड — मार्को एसेन्सिओको उत्कृष्ट ह्याट्रिकमा रियल म्याड्रिडले स्पेनी ला लिगामा बुधबार रियल मालोर्कालाई ६–१ ले हराएको छ । बर्नाबाउमा प्राप्त यो जितपछि रियल अंकतालिकाको शीर्ष स्थानमा उक्लेको छ ।

रियलको ६ खेलबाट १६ अंक भएको छ । रियलका लागि गोलको खाता खोलेका करिम बेन्जेमाले दुई गोल गरे । थप एक गोल इस्कोको नाममा रह्यो । एट्लेटिको म्याड्रिड १४ अंकसाथ दोस्रो स्थानमा छ ।

बुधबारकै अन्य खेलमा सेभियाले भ्यालेन्सियालाई ३–१ ले हराउँदै तेस्रो स्थानमा रह्यो । यस्तै एस्पान्योलले एलाभेसलाई १–० र भिल्लारियलले एल्चेलाई ४–१ ले पराजित गर्‍यो ।

प्रकाशित : आश्विन ७, २०७८ ०७:२२
प्रतिक्रिया
पठाउनुहोस्

युभेन्टसको पहिलो लिग जित

एजेन्सी

मिलान — युभेन्टसले बुधबार इटालीको सिरी ‘ए’ मा यो सिजनको पहिलो लिग जित निकालेको छ । यसका लागि उसले स्पेजियालाई ३–२ ले हरायो । खेल सकिनु ६ मिनेटअगाडि सेन्टर ब्याक म्याथिज डे लिग्टले युभेन्टसका लागि विजयी गोल गरे ।

यो जितपछि मासिमिलिनो एलेग्रेको टिम अंक तालिकाको १२ औं स्थानमा उक्लेको छ । यसअघि चार खेलबाट दुई अंक बटुलेर युभेन्टस रेलिगेसन क्षेत्रमा थियो ।

बुधबारको अर्को प्रमुख खेलमा एसी मिलानले भेनेजियालाई २–० ले हराएर दोस्रो स्थानमा उक्लिन सफल रह्यो । मिलानको १३ अंक भएको छ । समान १३ अंकमा इन्टर मिलान शीर्ष स्थानमा छ ।

प्रकाशित : आश्विन ७, २०७८ ०७:१४
पूरा पढ्नुहोस्
प्रतिक्रिया
पठाउनुहोस्
×