पारा ओलम्पिक २०२० : पलेशाको पहिलो खेल बेलायती खेलाडीसँग
काठमाडौँ — टोकियो पारा ओलम्पिक २०२० मा नेपालकी एकमात्र प्रतिस्पर्धी खेलाडी पलेशा गोवर्द्धनले पहिलो खेलमा बेलायती प्रतिस्पर्धी पाएकी छन् ।
पारा तेक्वान्दो के४४ विधाअन्तर्गत ५८ केजीमुनि तौल समूहका लागि मंगलबार भएको ‘ड्र’ मा १८ वर्षीया पलेशाले २८ वर्षीया बेलायती खेलाडी बेथ मुनरोसँग खेल्ने निश्चित भएको हो । जारी पारा ओलम्पिकमा तेक्वान्दोको खेल बिहीबार सुरु हुनेछ । यो तौलको सम्पूर्ण खेल शुक्रबार हुनेछ ।
पहिलो खेल जितेको अवस्थामा पलेशाले क्वाटरफाइनलमा टर्कीकी गाम्ज गुर्डालसँग प्रतिस्पर्धा गर्नुपर्नेछ । गुर्डाल तेस्रो वरीयताकी खेलाडी हुन् ।
पारा ओलम्पिक कमिटीले समयमै नाम दर्ता नगरेका कारण यस संस्करणमा पारा ओलम्पिकमा एक जनाको मात्र प्रतिनिधित्व भएको छ ।
प्रकाशित : भाद्र १५, २०७८ २१:३७प्रतिक्रिया