ब्राजिल कोपा अमेरिकाको फाइनलमा
रियो डे जेनेरियो — डिफेन्डिङ च्याम्पियन तथा आयोजक ब्राजिल मंगलबार कोपा अमेरिका–२०२१ को फाइनल पुगेको छ । उसले सेमिफाइनलमा पेरुलाई १–० ले पराजित गरेको हो ।
खेलको एक मात्र गोल लुकास पाक्वेलाले ३५ औं मिनेटमा गरे । नेयमारले सिर्जना गरेको अवसरमा पाक्वेलाले निर्णायक गोल गरेका हुन् । पेरुले दोस्रो हाफमा ब्राजिलसामु कडा चुनौती पेस गरे पनि गोल फर्काउन भने सकेन ।
अर्को सेमिफाइनलमा बुधबार अर्जेन्टिना र कोलम्बिया भिड्नेछन् । त्यसको विजेताले उपाधि–भिडन्तमा ब्राजिलको सामना गर्नेछ ।
प्रकाशित : असार २२, २०७८ ०६:५०प्रतिक्रिया