कोपा अमेरिका : ब्राजिलले पेरुलाई ४-० ले हरायो
रियो डे जेनेरियो — दोस्रो हाफमा तीन गोल गरेपछि ब्राजिलले कोपा अमेरिकाको शुक्रबार समूह बी को खेलमा पेरुलाई सजिलै ४–० ले हराएको छ । ब्राजिलको यो प्रतियोगितामा लगातार दोस्रो जित हो र टिम ६ अंकसहित समूहको शीर्ष स्थानमा रहेको छ ।
ब्राजिलका लागि एलेक्स सान्ड्रोले १२ औं मिनेटमा पहिलो गोल गरे । नेयमारले ६८ औं मिनेटमा दोस्रो गोल थपे । तेस्रो गोल भने एरभटन रिबेरोको नाममा रह्यो र उनले खेल सकिन एक मिनेट अगाडि गोल गरे ।
इन्ज्युरी समयको तेस्रो मिनेटमा रिचार्लिसनले चौथो गोल पनि गरे । यसअघि यसै समूहको अर्को खेलमा कोलम्बियाले भेनेजुएलासँग गोलरहित बराबरी खेलेको थियो । कुल पाँच टिम सम्मिलित समूहमा कोलम्बिया चार अंकसहित दोस्रो स्थानमा छ ।
प्रकाशित : असार ४, २०७८ ०७:५२प्रतिक्रिया