लन्डन — युरो २०२० अगाडिको आफ्नो अन्तिम मैत्रीपूर्ण खेलमा इंग्ल्यान्डले आइतबार रोमानियालाई १–० ले हराएको छ । खेलको ६८औं मिनेटमा मार्कस रसफोर्डले पेनाल्टीबाट निर्णायक गोल गरे ।
इंग्ल्यान्डको कप्तानी पनि रसफोर्डले नै गरेका छन् । यस क्रममा उनी २३ वर्ष १८ दिनको उमेरमा इंग्लिस फुटबल टिमको कप्तान हुने सबैभन्दा कान्छो खेलाडीसमेत बने ।
आइतबारकै अन्य प्रमुख खेलमा बेल्जियमले क्रोएसियालाई १–० र नेदरल्यान्ड्सले जर्जियालाई ३–० ले हराए ।