राष्ट्रिय फुटबल टिम कुवेतमा
काठमाडौँ — विश्वकप छनोट चरणका बाँकी तीन खेल खेल्न नेपाली राष्ट्रिय टिम आइतबार कुवेत पुगेको छ । इराकविरुद्ध बासरामा मैत्रीपूर्ण अन्तर्राष्ट्रिय खेल खेलेपछि स्थलमार्ग भएर नेपाली टिम कुवेत पुगेको हो ।
कुवेत पुगेपछि खेलाडी र पदाधिकारीको पीसीआर परीक्षण गरिएको थियो । छनोटको समूह ‘बी’ मा रहेको नेपालको विश्वकपको सपना समाप्त भइसकेको छ । तर एसियाकप छनोटको सम्भावना कायम छ ।
कुवेतमा नेपालले जेठ २० मा चिनियाँ ताइपेई, २४ मा जोर्डन र २८ मा अस्ट्रेलियाविरुद्ध खेल्नेछ ।
प्रतिक्रिया