रियलले गर्यो एट्लेटिकोसँग अंक बराबरी
म्याड्रिड — रियल म्याड्रिडले स्पेनी ला लिगाको शीर्ष स्थानमा बुधबार एट्लेटिको म्याड्रिडसँग अंक बराबरी गरेको छ । यसका लागि रियलले काडिजलाई सजिलै ३–० ले हरायो । त्यसमा करिम बेन्जेमाले दुई गोल गरे ।
पहिलो गोल पेनाल्टीबाट थियो । अल्भारो ओड्रिजोलाले गरेको तेस्रो गोलमा पनि बेन्जेमाले सहयोगी भूमिका खेले । यो जितपछि रियलको ३२ खेलबाट ७० अंक भएको छ ।
लिगका अन्य खेलमा तेस्रो स्थानमा उक्लेको सेभियाले लेभान्टेलाई १–० ले हरायो । यस्तै पाँचौं स्थानमा उक्लिनका लागि रियल बेटिसले एथलेटिक बिलबाओसँग गोलरहित बराबरी खेल्यो ।
प्रतिक्रिया
